ზაქარია ფალიაშვილის სახელობის №2 სამუსიკო სკოლის საკონცერტო დარბაზში  ლიანა ისაკაძის სახელობის ახალგაზრდა მუსიკოს-შემსრულებელთა საორკესტრო საკრავების პირველი საერთაშორისო კონკურსი იმართება.

ღონისძიების გახსნას ქუთათელ-გაენათელი მიტროპოლიტი, მეუფე იოანე,  ქუთაისის მერის მოვალეობის შემსრულებელი დავით ერემეიშვილი,  მერის მოადგილე გიორგი  ცხაკაია და ადგილობრივი ხელისუფლების წარმომადგენლები  დაესწრნენ.

კონკურსი ქუთაისის მუნიციპალიტეტის მერიის მხარდაჭერით ტარდება.    საერთაშორისო მუსიკალური კონკურსის დამფუძნებელი და ორგანიზატორია ა(ა)იპ “არტ-ვირტუოზი”,  სამხატვრო ხელმძღვანელი -  გიორგი ისაკაძე.

კონკურსში მონაწილეობენ სიმებიან და ჩასაბერ საკრავებზე შემსრულებელი ახალგაზრდა მუსიკოსები საქართველოდან და უცხოეთიდან. მონაწილეებს საერთაშორისო ჟიური  შეაფასებს. გამარჯვებულები 27 ივნისს გამოვლინდებიან.