ქუთაისს კიდევ ერთი ახალი რეკრეაციული სივრცე შეემატება. ხელისუფლება უახლოეს დღეებში მოსწავლე-ახალგაზრდობის პარკის რეაბილიტაციას იწყებს.

„ქუთაისში ვიწყებთ ბევრი საინტერესო პროექტის განხორციელებას. მათ შორისაა ისტორიული შენობების რეაბილიტაცია უახლოეს პერიოდში დაიწყება პროექტზე მუშაობა და შემდგომ განხორციელება.

რამდენიმე დღეში დაიწყება ქალაქისთვის ძალიან მნიშვნელოვანი ქუთაისის ცენტრალური ბიბლიოთეკის ისტორიული შენობის აღდგენაც,“ - განაცხადა ინფრასტრუქტურის მინისტრმა რევაზ სოხაძემ ქუთაისში, ისტორიული ქუჩებისა და შენობების დათვალიერების შემდეგ.