ქუთაისის მერის მოვალეობის შემსრულებელი დავით ერემეიშვილი  ჩინური კომპანია „Sun Group“-ის წარმომადგენლებს შეხვდა.
კომპანიის საქმიანობის სფეროს წარმოადგენს ფოტოვოლტური მასალების წარმოება, მათ შორის,  მზის ენერგიის პანელები, ფოტოვოლტური მოდულები და ენერგოსადგურები. 

 კომპანიამ  ქუთაისის თავისუფალ ინდუსტრიულ ზონაში დააფუძნა საწარმო "გეო სოლარ თექნოლოჯი" - ფოტოვოლტური მოდულების მწარმოებელი ქარხანა,  100 -ზე მეტი სამუშაო ადგილით, სადაც ადგილობრივი მუშახელი დასაქმდება. 

დავით ერემეიშვილმა  და „Sun Group“-ის  თავმჯდომარემ ლანგ ქინსონგმა ისაუბრეს თანამედროვე ტექნოლოგიური საწარმოების მნიშვნელობაზე ქალაქის განვითარებაში, მაღალკვალიფიციური სპეციალისტების  გადამზადებისა და  ურიერთთანამშრომლობის შესახებ.