ვანის მერია სოფლების მოსახლეობასთან შეხვედრებს აგრძელებს
„სოფლის მხარდაჭერის პროგრამის“ ფარგლებში, ვანის მუნიციპალიტეტის მერმა ალექსანდრე გოგორიშვილმა ძულუხის, სულორის, დიხაშხოს და სალხინოს მოსახლეობასთან შეხვედრები გამართა.
“შეხვედრის დროს, ერთობლივი გადაწყვეტილებით, დასახელდა ადგილობრივი მკვიდრთათვის მოსაგვარებლად ყველაზე მნიშვნელოვანი თემები: შიდა საუბნო გზების რეაბილიტაცია, სანიაღვრე არხების მოწესრიგება, სასაფლაოს და ეკლესიის ეზოს შემოღობვა და საფეხბურთო მინი სტადიონის შეკეთება,”-აცხადებენ ვანის მერიაში.
