ქუთაისის მერმა საუკუნის ქუთაისელ ქალბატონს იუბილე მიულოცა
ქუთაისის მერმა იოსებ ხახალეიშვილმა 100 წლის ქუთაისელს, სოფია მირიანოვას დაბადების დღე მიულოცა.
სოფია მირიანოვა პროფესიით ინჟინერ- მანქანათმშენებელია, 70 წლის მანძილზე სამეცნიერო საქმიანობას ქუთაისის პოლიტექნიკურ ინსტიტუტში ეწეოდა. იყო ინსტიტუტის სასწავლო ნაწილის გამგე.
„გილოცავთ 100 წლის იუბილეს! მინდა დიდხანს სიცოცხლე და მხნეობა გისურვოთ. თქვენი ღვაწლი ჩვენს ქალაქში ყოველთვის დაფასებული იქნება,"-განუცხადა იუბილარს იოსებ ხახალეიშვილმა.
