გარემოს ეროვნული სააგენტოს ცნობით, მდინარე ბუბას კალაპოტში გუშინ, გვიან ღამით, ქვათაცვენის ფაქტი დაფიქსირდა. ადგილზე ვითარებას გარემოს ეროვნული სააგენტოს სპეციალისტები გაეცნენ.
"აღსანიშნავია, რომ მდინარე ბუბისწყლის კალაპოტში მიმდინარეობს სტიქიის თანმდევი პროცესები. მასშტაბური სტიქიების შემდეგ, ასეთი მოვლენები მოსალოდნელი ფაქტია. ამ ეტაპზე, აღნიშნული პროცესები საფრთხის შემცველი არ არის,"-აცხადებენ სააგენტოში.
3 აგვისტოს, კურორტ შოვში მომხდარ სტიქიას 24 ადამიანის სიცოცხლე ემსხვერპლა. 9 დაკარგულს მაშველები ამ დრომდე ეძებენ.
