ადგილობრივი და ცენტრალური ხელისუფლების წარმომადგენლებმა კურორტ შოვში სტიქიის შედეგად დაღუპული და დაზარალებული ოჯახის წევრები მოინახულეს.

"მწუხარება გამოხატეს  გარდაცვლილი მოქალაქეების გამო, თანადგომა და თანაგრძნობა გამოუცხადეს ოჯახის წევრებს.

ადგილობრივი ხელისუფლების წარმომადგენლები სტიქიის პირველივე დღიდან მუდმივ კომუნიკაციაში არიან დაზარალებული ოჯახის წევრებთან და გადარჩენილებთან,"-აცხადებენ ონის მერიაში. 

3 აგვისტოს, კურორტ შოვში მომხდარი სტიქიის შედეგად, 24 ადამიანი გარდაიცვალა. 9 დაკარგულს მაშველები მეათე დღეა ეძებენ.