საკადრო ცვლილება ჭიათურის მერიაში
ჭიათურის მუნიციპალიტეტის მერიის სხდომათა დარბაზში, ჭიათურის მერმა გივი მოდებაძემ დამსწრეთ მერის პირველი მოადგილე დავით წერეთელი წარუდგინა.
"მინდა წარმოგიდგინოთ დავით წერეთელი- გამოცდილი კადრი, რომელიც, დღეიდან მუნიციპალიტეტის მერის პირველი მოადგილის მოვალეობას შეასრულებს. მას აქვს გამოცდილება და პოტენციალი, რათა წარმატებით წაუძღვეს დაკისრებული მოვალეობას და
დარწმუნებული ვარ, ერთად არაერთ წარმატებას მივაღწევთ,"-აღნიშნა გივი მოდებაძემ.
"აღნიშნული თანამდებობა ჩემთვის ახალი გამოწვევა და უდიდესი პასუხისმგებლობაა. მადლობა ნდობისთვის გუნდს, რომელთან ერთადაც უფრო ბევრის მიღწევას შევძლებთ“, - განაცხადა დავით წერეთელმა.
დავით წერეთელს დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის ფიზიკის ფაკულტეტი.გარკვეული წლების განმავლობაში ეწეოდა პედაგოგიურ საქმიანობას. ასევე, მუშაობდა გარემოს დაცვის ინსპექციის სრული რეაგირების ჭიათურა-საჩხერის ჯგუფის ხელმძღვანელად, პერევისის ადმინისტრაციული ერთეულის რწმუნებულად, ზედამხედველობის სამსახურის უფროს კოორდინატორად.
დღესვე, ქალაქის მერმა ახალი პროფესიული საჯარო მოხელეები წარადგინა და მათ წარმატებული და ნაყოფიერი საქმიანობა უსურვა.
