აკაკი წერეთლის სახელმწიფო უნივერსიტეტის ფოლკლორული ანსამბლი "ადილა“ მაიზერ გაზდელიანის ხელმძღვანელობით “საგუნდო მუსიკის შემსრულებელთა VII ეროვნული კონკურსის“ გამარჯვებულია.
ოქროს მედალი და ლაურეატის წოდება ანსამბლმა კატეგორიაში ,,ქართული ხალხური სიმღერა“ მოიპოვა. ანსამბლი დაჯილდოვდა ასევე ნომინაციაში საუკეთესო კოსტიუმი.
"საგუნდო მუსიკის შემსრულებელთა ეროვნული კონკურსის“ მთავარი მიზანი აკადემიური საგუნდო სიმღერის პოპულარიზაცია და ეროვნული სასიმღერო ტრადიციების დაცვაა.
