ქუთაისში წლის მთავარი საახალწლო ღონისძიებისთვის სამზადისი მიმდინარეობს.

ცენტრალურ მოედანზე უკვე მოწყობილია ჯიხურები საახალწლო ბაზრობისთვის, საბავშვო სივრცეები, ფოტოგადასაღები სტენდები და ინსტალაციები. 

საქართველოს მთავრობის გადაწყვეტილებით,  საახალწლო ღონისძიებები „ახალი წლის დღეები საქართველოში“ ქვეყნის 63 ქალაქში და დაბა ბაკურიანში 21 დეკემბერს დაიწყება და 31 დეკემბრის ჩათვლით გაგრძელდება. 

ყველა მუნიციპალიტეტში მოეწყობა საშობაო ბაზრობები, გამოფენა-გაყიდვები, საბავშვო გასართობი სივრცეები. ტერიტორიაზე განთავსებული იქნება ხის საახალწლო სახლები, ფოტოგადასაღები სტენდები და ინსტალაციები. გაიმართება როგორც ადგილობრივი, ისე დედაქალაქიდან მოწვეული შემსრულებლების კონცერტი. 

საახალწლო პროგრამები 14:00 საათიდან დაიწყება, ხოლო დღის ბოლოს ყველა საღამო კონცერტითა და საზეიმო ფოიერვერკით დასრულდება.