ხმაური და ფიზიკური დაპირისპირება იყო ქუთაისში, “ქართული ოცნების” ცენტრალურ ოფისთან, სადაც ერთი პირი დააკავეს. ვითარება მას შემდეგ დაიძაბა, რაც აქციის მონაწილეები ხელისუფლების მოთხოვნას არ დაემორჩილნენ და საავტომობილო გზა გადაკეტეს. 

“ქართული ოცნების" ოფისთან შეკრებილები ევროკავშირთან გაწევრიანების მოლაპარაკებების გაჩერების გამო, ხელისუფლების ცვლილებას ითხოვდნენ. 

არსებული ინფორმაციით, დაკავებული აქტივისტი მიშიკო მუმლაძე სამტრედიაში, დროებითი მოთავსების იზოლატორში გადაიყვანეს.