კასპის და ჭიათურის მერიების უფასო სასადილოები კვირაში მხოლოდ 6 დღე მუშაობს, ხოლო ცაგერის მერია ღარიბებს საკვების მიღებისგან მთელი 2 დღე ასვენებს-კვლევას ამის შესახებ “ფლანგვის დეტექტორი” ავრცელებს.

 კასპის მერიას მენიუში კვირა დღის დამატება ₾29,120 დაუჯდებოდა, ჭიათურას ₾43,056 ხოლო ცაგერის მერიას შაბათ-კვირის დამატება – ₾64,512. 

“ მოსახლეობის უღარიბესი ფენის მთელი კვირა გამოსაკვებად თანხების ვერ-გამონახვა პრიორიტეტის საკითხი უფროა, ვიდრე დეფიციტის, რადგან:

მაგალითად, კასპის მერიამ კასპობის აღსანიშნავად 1 დღეში უფრო მეტი გადაიხადა, ვიდრე მთელი წლის განმავლობაში კვირა დღით ბენეფიციარების გამოკვებაში დაეხარჯებოდა.

ხოლო ცაგერის მერიამ მოახერხა, რომ 3 წლის განმავლობაში ₾494 ათასზე მეტით გაეზარდა შრომის ანაზღაურების ხარჯები,”-ნათქვამია კვლევაში.