"ქართული ოცნების" დელეგატი ზვიად შალამბერიძე ზესტაფონის
სოფელ მეორე სვირისა და სადგურ სვირის მოსახლეობას შეხვდა.
მისი თქმით, ბოლო წლების განმავლობაში სვირში არაერთი მნიშვნელოვანი პროექტი განხორციელდა.

"მიხარია, რომ ჩემი გუნდის ნაკეთები საქმისათვის, მოქალაქეები მადლიერებას გამოხატავენ და მათ სჯერათ და სწამთ, რომ ის მცირედი გამოწვევები, რაც დარჩა მოსაგვარებელი, ეტაპობრვად მოგვარდება. მათ ასევე, კარგად იციან, რომ დაწყებული საქმე კვლავ აქტიურად გაგრძელდება.
მადლობა მინდა გადავუხადო თითეულ ადამიანს, ვინც გამონახა დრო და მოვიდა ჩემთან შეხვედრაზე,"-აცხადებს ზვიად შალამბერიძე. 

შეხვედრებს ზესტაფონის, თერჯოლის, ტყიბულისა და ბაღდათის მაჟორიტარი დეპუტატი ბეჟან წაქაძე,ზესტაფონის მუნიციპალიტეტის მერი,  ვასილ გველესიანი, საკრებულოს თავჯდომარე ვახტანგ ღამბაშიძე და ადგილობრივი ხელისუფლების სხვა წარმომადგენლები ესწრებოდნენ.