პირველ ოქტომბერს, 19:00 საათზე, სოფელ შუქრუთის მოსახლეობის სოლიდარობის აქცია გაიმართება.
"აქციის დროს მსვლელობით გავემართებით ბიძინა ივანიშვილის შუშის სასახლისკენ, რათა კიდევ ერთხელ მოვთხოვოთ ცენტრალური მთავრობის ჩართულობა ჩვენი სოფლის გადასარჩენად,"-აცხადებენ შუქრუთელები.
ჭიათურის სოფელ შუქრუთის მოსახლეობა დაახლოებით ერთი თვეა, რაც თბილისში, პარლამენტის შენობასთან აქციას მართავს. ისინი კომპანია "ჯორჯიან მანგანეზისგან" კომპენსაციებს ითხოვენ და პროცესში დახმარებას სახელმწიფოს სთხოვენ.
