რაჭა-ლეჩხუმისა და ქვემო სვანეთის სახელმწიფო რწმუნებულმა პაპუნა მარგველიძემ, ამბროლაურის მუნიციპალიტეტის სოფელ აბარში,  წმინდა გიორგის სახელობის ეკლესიის სამშენებლო სამუშაოები დაათვალიერა, რომელიც ნიკორწმინდელი ეპისკოპოსის, მეუფე ვახტანგის ლოცვა-კურთხევით და ადგილობრივი მოსახლეობის ქველმოქმედებით მიმდინარეობს.

როგორც პაპუნა მარგველიძემ აღნიშნა, ეკლესიის მშენებლობა ადგილობრივი მოსახლეობის ინიციატივით ხორციელდება.  რაჭა-ლეჩხუმისა და ქვემო სვანეთის სახელმწიფო რწმუნებულის განცხადებით, ისტორიულ-კულტურული ღირებულებების შენარჩუნების პროცესში საზოგადოების  ჩართულობა  უმნიშვნელოვანესია.

პაპუნა მარგველიძესთან ერთად ეკლესიის სამშენებლო სამუშაოები ადგილობრივი ხელისუფლების წარმომადგენლებმა დაათვალიერეს.