ძლიერმა ქარმა პრობლემები შექმნა წყალტუბოში. 

ძლიერი ქარის გამო ელექტროენერგია არ მიეწოდება მუხიანს, ზედა მესხეთს, გუმბრას, ბანოჯას, ოფურჩხეთის და რიონის ადმინისტრაციულ ერთეულებში შემავალ სოფლებს. ამ დროისათვის მუნიციპალიტეტის ტერიტორიაზე გათიშულია 3500-მდე აბონენტი. 

"დაზიანებულია მრავალსართულიანი საცზოვრებელი ბინების სახურავები ქალაქ წყალტუბოში, თბილისის ქუჩა #1, დედაენის 5, ბესიკის 5, კოლხეთის 19, დაზიანებულია 3 ავტომობილი, ბარათაშვილის ქუჩაზე მოკლე ჩართვის გამო 37ა და 37ბ სახლებში დაიწვა საყოფაცხოვრებო ელექტროტექნიკა. მუნიციპალიტეტის ტერიტორიაზე ამ დროის მონაცემებით დაიზნებულია 15-მდე კერძო საცხოვრებელი სახლის სახურავი. მუნიციპალიტეტის ტერიტორიაზე წაიქცა ჯამში -35 მდე სხვადასხვა ჯიშის ხე. მოსალოდნელია ქარის კიდევ გაძლიერება,"-აცხადებენ წყალტუბოს მერიაში.