სამტრედიის სამუსიკო სკოლა, სადაც 130 მოსწავლე სწავლობს, სრულად განახლდა
სამტრედიის N2 სამუსიკო სკოლას სრული რეაბილიტაცია ჩაუტარდა.
რეაბილიტაციის პროექტის მიხედვით, სამუსიკო სკოლაში თანამედროვე სტანდარტების შესაბამისად განახლდა შენობის ფასადი, ინტერიერი, საკლასო ოთახები, საკონცერტო დარბაზები, შეიცვალა გადახურვა, ელექტრო და წყალგაყვანილობის სისტემა.
მე-2 სამუსიკო სკოლაში ამ ეტაპზე 130 მოსწავლე სწავლობს.
სკოლის განახლების სამუშაოები ადგილობრივი ბიუჯეტიდან დაფინანსდა.
