2024 წლის იანვარ-ივლისში საქართველოში პომიდვრის იმპორტი 50%-ით გაიზარდა. საქსტატის მონაცემებით, გასული წლის შვიდ თვეში 8.06 მილიონ დოლარზე მეტის პომიდორი შემოვიდა, წელს იმავე პერიოდში კი 12.1 მილიონ დოლარზე მეტი ღირებულების.

გასულ წელს ქვეყანას 1 კგ-ის იმპორტი საშუალოდ 42 ცენტი უჯდებოდა, წელს კი საიმპორტო ფასი 60 ცენტამდე გაიზარდა. ეს ნიშნავს იმას, რომ საქართველოს პომიდვრის იმპორტი 43%-ით გაუძვირდა.

აღსანიშნავია ისიც, რომ წელს იმპორტირებული პომიდვრის უდიდესი ნაწილი თურქეთიდან შემოვიდა. უფრო კონკრეტულად, თურქეთის წილი პომიდვრის იმპორტში 99%-ს აჭარბებდა. უფრო კონკრეტულად, ქვეყნები, საიდანაც პომიდვრის იმპორტი განხორციელდა ასე გამოიყურება:

• თურქეთი - 12.06 მილიონი დოლარის 19 953 ტონა;
• აზერბაიჯანი - 47.6 ათასი დოლარის 57 ტონა;
• ირანი - 6.9 ათასი დოლარის 19 ტონა;
• საფრანგეთი - 200 დოლარის 20 კგ;
• ნიდერლანდები - 40 დოლარის 20 კგ.