კურორტ შოვის ტერიტორიიდან, მეწყერის ზონიდან, სასაზღვრო პოლიციის ვერტმფრენის გამოყენებით მოქალაქეთა ევაკუაცია მიმდინარეობს. 

კურორტ შოვში მეწყერი დღეს, 15:00 საათისთვის ჩამოწვა.

ევაკუირებულ მოქალაქეებს ადგილზე სასწრაფო დახმარების ბრიგადები ხვდებიან, რომლებიც პირველად დახმარებას უწევენ. 

"გვეგონა ვერტმფრენი იყო, ისეთი ხმა მოგვესმა. უზარმაზარი მასა მოდიოდა. გადარჩენის ინსტიქტით გავიქეცით. იქ აღარაფერი არსებობს, ყველაფერი განადგურებულია,"-აცხადებენ სტიქიის ზონიდან გამოსული მოქალაქეები.