ქუთაისში გიორგი დარახველიძის 110 წლის იუბილე აღნიშნეს
ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში ცნობილი ხელოვანის, გიორგი დარახველიძის 110 წლისადმი მიძღვნილი საიუბილეო საღამო გაიმართა.
ღონისძიება ა(ა)იპ „ქ. ქუთაისის კულტურულ, სახელოვნებო, საგანმანათლებლო დაწესებულებათა გაერთიანების“ ფილიალის - გ. დარახველიძის სახ. ხელოვნების სკოლის ორგანიზებით შედგა. მხარდამჭერები: ქუთაისის მუნიციპალიტეტის მერია და საკრებულო, ა(ა)იპ „ქ. ქუთაისის კულტურულ, სახელოვნებო, საგანმანათლებლო დაწესებულებათა გაერთიანება“, საქართველოს ქორეოგრაფთა კავშირი, იმერეთის, რაჭა- ლეჩხუმ, ქვემო სვანეთის რეგიონალური ორგანიზაცია.
ღონისძიებაზე მოწვეული იყვნენ გიორგი დარახველიძის ოჯახის წევრები და მისივე მოსწავლეები, ცნობილი ქართველი მოცეკვავეები. ქუთაისის, რუსთავის, თბილისის ანსამბლების, სუხიშვილების, ერისიონის, რუსთავის გორდას ყოფილი მოცეკვავეები.
ღონისძიებას დაესწრნენ: ქუთაისის მუნიციპალიტეტის საკრებულოს თავმჯდომარე ირაკლი შენგელია, იმერეთის ადგილობრივი თვითმმართველობის ორგანოებთან ურთიერთობის სამსახურის უფროსი დავით გორდელაძე, გაერთიანების მმართველი ვაჟა ჯუღელი და სხვა მოწვეული სტუმრები.
