საქართველოს ბავშვთა და სასკოლო სპორტის ეროვნული ფედერაციის ორგანიზებით და ვანის მუნიციპალიტეტის მერიის მხარდაჭერით,  ვანის მუნიციპალიტეტში გაიხსნა სასკოლო სპორტული ოლიმპიადა 2025-ის რეგიონალური ტურნირი მინი ფეხბურთში. 
  
გაიმართა ტურნირის გახსნის საზეიმო ცერემონიალი, რომელსაც ესწრებოდნენ ვანის მუნიციპალიტეტის მერი ალექსანდრე გოგორიშვილი, მერის მოადგილე ვლადიმერ ხელაძე, იმერეთის მუნიციპალიტეტებთან ურთიერთობის სამსახურის უფროსი დავით გორდელაძე, რევაზ რობაქიძე- სეოკის იმერეთის რეგიონული ორგანიზაციის თავმჯდომარე, მანანა მანაგაძე- სასკოლო სპორტული ოლიმპიადის იმერეთის კოორდინატორი და ვანის მუნიციპალიტეტის მერიის კულტურისა და სპორტის სამსახურის წარმომადგენლები.

ტურნირი 2 დღე გასტანს და მასში მონაწილეობას თორმეტივე მუნიციპალიტეტის გუნდები მიიღებენ. გამარჯვებულ  გუნდებს გადაეცემათ მედლები, სიგელები და თასები. ტურნირის გამართვა ახალგაზრდებში  ცხოვრების ჯანსაღი წესის პოპულარიზაციას ემსახურება.