ქუთაისის მერის მოვალეობის შემსრულებელი დავით ერემეიშვილი და ა(ა)იპ ქუთაისის სპორტულ დაწესებულებათა გაერთიანების მმართველი კობა ფხაკაძე  მე - 12 კომპლექსურ სპორტულ სკოლაში იმყოფებოდნენ, სადაც სპორტსმენებსა და მათ მწვრთნელებს შეხვდნენ და საჭირო ინვენტარი გადასცეს. 

აღსანიშნავია, რომ ქუთაისელი  მსროლელები მალე იასპარეზებენ საქართველოს ჩემპიონატზე, რომელიც  3 აპრილიდან 9 აპრილის ჩათვლით,  პნევმატური იარაღით სროლაში გაიმართება.  ჩემპიონატის შედეგების მიხედვით დაკომპლექტდება ეროვნული ნაკრები, რომელიც საქართველოს სახელით მსოფლიო ჩემპიონატში ჩაერთვება.

როგორც დავითმა ერემეიშვილმა აღნიშნა, ტირის სკოლის რეაბილიტაცია წელს  დაიწყება.