ქუთაისის მერის მოვალეობის შემსრულებელი დავით ერემეიშვილი, პარლამენტის მაჟორიტარ დეპუტატ ზაზა ლომინაძესთან და საკრებულოს თავმჯდომარის მოადგილე გია ბასილაძესთან ერთად, ადმინისტრაციული ერთეულების თანამშრომლებს და წარმომადგენლებს შეხვდა.
"შეხვედრებზე ისაუბრეს ადმინისტრაციულ ერთეულებში მიმდინარე პროექტებსა და დაგეგმილ სიახლეებზე. აღინიშნა, რომ მუნიციპალური სერვისები კიდევ უფრო მოქნილი, მარტივი და მოსახლეობაზე მაქსიმალურად ორიენტირებული უნდა იყოს.
ადგილობრივი ხელისუფლების წარმომადგენლები გაეცნენ რამდენიმე ინფრასტრუქტურული პროექტის მიმდინარეობას, მათ შორის, დები იშხნელების ქუჩის საგზაო ინფრასტრუქტურის განახლების პროცესს,"-აცხადებენ ქუთაისის მერიაში.
