ქუთაისი-ალპანა-მამისონის საავტომობილო გზის 27 კმ-იანი (კმ22-კმ49) მონაკვეთის რეაბილიტაციას საავტომობილო გზების დეპარტამენტი უახლოეს მომავალში დაიწყებს-ინფორმაციას ამის შესახებ ქვემო სვანეთის გუბერნატორის ადმინისტრაცია ავრცელებს.
მათივე ცნობით, გზის 27 კმ-იან მონაკვეთს ჩაუტარდება რეაბილიტაცია და დაიგება ასფალტის საფარი.
"ტენდერი, რომლის ფარგლებშიც ჩატარდება გზის რეაბილიტაციის სამუშაოები, უკვე დასრულებულია, გამოვლენილია გამარჯვებული კომპანია და მიმდინარეობს დამატებითი დოკუმენტაციის წარმოდგენის ეტაპი, რის შემდეგაც გაფორმდება ხელშეკრულება,"-ნათქვამია გავრცელებულ ინფორმაციაში.
ცნობისთვის, რიონის ხეობის მოსახლეობა აღნიშნული გზის მოწესრიგებას წლებია ითხოვდა.
