ლენტეხი მდიდარია სასარგებლო თვისებების მქონე მინერალური და თერმული მჟავე წყლებით.
ადგილზე შესაძლებელია, როგორც მინერალური წყლების დაგემოვნება, ასევე, სვანური კოშკის დათვალიერებაც. მომავალში დაგეგმილია ადგილზე ძველი სვანური საცხოვრისის (მაჩუბი)-ს მოწყობაც, რაც როგორც სამხარეო ადმინისტრაციაში აცხადებენ, ადგილის ტურისტულ პოტენციალს გაზრდის.
"ლენტეხის მინერალური წყლები მდებარეობს დაბა ლენტეხში. 2022 წელს დასრულდა ადგილის ინფრასტრუქტურის მოწყობის სამუშაოები, რამაც შესაძლებელი გახადა რეგიონში მიგვეღო ინფრასტრუქტურულად გამართული კიდევ ერთი ტურისტული ობიექტი,"-აცხადებენ რაჭა-ლეჩხუმ-ქვემო სვანეთის გუბერნატორის ადმინისტრაციაში.
