"საქართველოს რკინიგზამ" 7 თებერვალს დასავლეთ საქართველოში სარკინიგზო მიმოსვლა გააუქმა. მიზეზი ხარაგაულის სოფელ მოლითთან ჩამოწოლილი მეწყერია.
"უხვი ნალექის გამო, დასავლეთ საქართველოში, მოლითში ჩამოწვა მეწყერი და რეისზე არსებული მატარებლები ვეღარ გააგრძელებენ მოძრაობას, კონკრეტულად ზუგდიდი-თბილისის (869), ბათუმი-თბილისის (801) და თბილისი-ფოთის (874) რეისებზე მოძრავი შემადგენლობები დაბრუნდებიან საწყის სადგურებში. აღნიშნული რეისების შესრულება დამოკიდებულია ამინდზე, მატარებელთა მოძრაობა განახლდება ლიანდაგის სრულად გაწმენდისთანავე,"-აცხადებენ კომპანიაში.
ადგილზე ამ დროისთვის გაწმენდითი სამუშაოები მიმდინარეობს.
