„მეორე მსოფლიო ომის დამთავრების შემდეგ ჯორჯ კობიმ სიახლე დანერგა თავის წარმოებაში – დაიწყო ნაძვის ხის სათამაშოების დამზადება. შექმნა ქიმიური სითხით სავსე ელექტროსანთლები ე.წ. „Babel Lamps“, რომლებმაც ნამდვილი სანთლები შეცვალა. ის ფერადი მინისგან ამზადებდა სხვადასხვა ფორმის სათამაშოებს, რომელსაც „ორნამენტი“ უწოდა, შინდისფერ ყუთებში ჩაწყობილ 12 ან 24 ცალ სათამაშოს ეწერა „კობი. საშობაო ხის ორნამენტები. კობი – ეს შობაა", - ვკითხულობთ გრიგოლ კობახიძის, იგივე ჯორჯ კობის ბიოგრაფიაში, რომელიც განთავსებულია ეროვნული ბიბლიოთეკის www.nplg.gov.ge ელექტორონულ ბაზაში „ქართველები უცხოეთში“.

ფოტოებზე ჯორჯ კობის მიერ ამერიკაში დამზადებული სათამაშოებია, რომელიც საქართველოს პარლამენტის ეროვნული ბიბლიოთეკის ემიგრაციის მუზეუმში ინახება.