თერჯოლის სოფელ ძევრში უახლოეს პერიოდში ახალი ტურისტული სივრცე გაიხსნება.
ამ დროისთვის დასრულებულია საგვარჯილეს მიმდებარე ტერიტორიაზე გაბიონებისა და მდ.ძერულაზე გადასახედების, საინფორმაციო ცენტრის, საპიკნიკე ფანჩატურების, გამოქვაბულებამდე მისასვლელი ბილიკის მშენებლობა, პარალელურად მოეწყო გამწვანება და პროცესი გრძელდება.
პროექტის დასრულების შემდეგ, სოფელ ძევრს კომფორტული და ტურისტულად მიმზიდველი რეკრეაციული სივრცე შეემატება.
პროექტი საპილოტე რეგიონების ინტეგრირებული განვითარების პროგრამის ფონდის დაფინანსებით, ხორციელდება.
