ქუთაისში თოვლს გადაადგილების პრობლემა არ შეუქმნია. 

როგორც მერიის ააიპ "სპეციალურ სერვისებში" აცხადებენ, მობილიზებულია ცოცხალი მუშა-ხელი, მძიმე ტექნიკა და მიმდინარეობს როგორც საავტომობილო გზების, ისე ტროტუარების გაწმენდითი სამუშაოები. 

"ჩვენი სამსახური მუშაობის საგანგებო რეჟიმზეა გადასული. ამ დროისთვის არ ფიქსირდება შეფერხებები საავტომობილო გზებზე გადაადგილების კუთხით. მობილიზებულია მძიმე ტექნიკა, მარაგში გვაქვს ტექნიკური და ინერტული მასალები, რომ თოვლს გავუმკლავდეთ,"-ამბობს ააიპ "სპეციალური სერვისები"-ს საზოგადოებასთან ურთიერთობის განყოფილების უფროსი გიორგი მჟავანაძე.