წყალტუბოს სოფლების: დერჩის, ჭაშლეთის, დღნორისას, საჩხეურისა და ლეხიდრისთავის ტაძრებში ღვთისმსახურება აღდგა.

ქუთაის-გაენათის ეპარქიის ინფორმაციით, აღნიშნულ ტაძრებში დროებით შეწყდა ღვთისმსახურება, რადგან მოძღვრებმა, რომლებსაც მსახურება ევალებოდათ,  პირადი სურვილით დატოვეს აღნიშნული ტაძრები და სხვა ეპარქიაში გადავიდნენ.

 @ქუთათელ-გაენათელი მიტროპოლიტ იოანეს ლოცვა-კურთხევით ეპარქიის მოძღვრებს: დეკანოზ ილიას (კარკაძე), დეკანოზ იოანეს (მინაძე), დეკანოზ გიორგის (სვანიძე) და მღვდელ არსენს (კვერნაძე) დაევალათ ზემოხსენებულ სოფლებში ღვთისმსახურების აღდგენა. 

 7 აპრილს, ხარების დღესასწაულზე სოფ. დერჩის წმ. იოანე ნათლისმცემლის ტაძარში წირვა-ლოცვა აღავლინა დეკანოზმა ილიამ (კარკაძე), ხოლო დანარჩენი სოფლების ტაძრებში მორიგეობით შესრულდება ღვთისმსახურება, რათა იქ მცხოვრებ მორწმუნეებს მიეცეთ წირვა-ლოცვაზე დასწრებისა და სხვა საეკლესიო მსახურებებში მონაწილეობის შესაძლებლობა,”-აცხადებენ
ქუთაის-გაენათის ეპარქიაში.