ქუთაისში, წერეთლის ქუჩაზე საცხოვრებელი სახლები დაიტბორა
ძლიერი წვიმის შედეგად ქუთაისში საცხოვრებელი სახლების პირველი სართულები დაიტბორა.
წერეთლის ქუჩაზე წყალი სახლებში ღამის 4 საათზე შევარდა. დააზიანა ტექნიკა, ავეჯი და საყოფაცხოვრებო ნივთები.
მოსახლეობის განცხადებით, 112-ში არაერთი ზარის მიუხედავად, მათ დასახმარებლად მთელი ღამის მანძილზე არავინ მისულა.
ცნობისთვის, წერეთლის ქუჩის რეაბილიტაცია ერთი წლის წინ განხორციელდა.
