23 წლის სოფო ბაკურაძე შოვის სტიქიის დროს გარდაცვლილებში ამოიცნეს
შოვში, სტიქიისას დაღუპულებს შორის კიდევ 1 ცხედრის ამოცნობა მოხდა. გარდაცვლილი სოფელ გლოლას მკვიდრი, 23 წლის სოფო ბაკურაძეა.
სოფო ბაკურაძე შოვში, ე.წ. კოტეჯებში მუშაობდა. მას მცირეწლოვანი შვილი, ლუსი დარჩა.
"გლოლას მკვიდრი, 23 წლის მარტოხელა დედა, სოფო ბაკურაძე შოვში, კოტეჯებში მუშაობდა და 3 აგვისტოს სტიქიის ზონაში იმყოფებოდა. სოფოს ჰყავს მცირეწლოვანი შვილი ლუსი ( 4 წლამდე), რომელზეც სრული პასუხისმგებლობა მარტოხელა დედას ჰქონდა,"-ამბობენ ოჯახის ახლობლები.
სტიქიის ზონაში ამ დროისთვის ცხრა ცხედრის ძებნა მიმდინარეობს.
