გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშომლებმა ელექტროშოკური მოწყობილობით უკანონო თევზჭერის 5 ფაქტი გამოავლინეს. 

სამართალდარღვევები ქვემო ქართლში, სამცხე-ჯავახეთში, იმერეთსა და შიდა ქართლში გამოვლინდა. 

ვანის მუნიციპალიტეტის სოფელ ამაღლებაში, მოქალაქე, მდინარე რიონზე ახდენდა თევზჭერას ელექტროშოკური მოწყობილობის გამოყენებით.  

"უკანონოდ მოპოვებული თევზი, ასევე ნავები და თევზჭერის აკრძალული საშუალებები დაილუქა. სამართალდამრღვევების მიმართ შედგა შესაბამისი დოკუმენტაცია,"-აცხადებენ დეპარტამენტში.