ორი მუნიციპალიტეტი-საჩხერე და ხარაგაული ერთმანეთს ახალი გზით დაუკავშირდება. აღნიშნული მიზნით ტენდერი უკვე გამოცხადდა.
"გზა საჩხერეს და ხარაგაულს სოფელ ლიჩიდან სოფელ ნადაბურამდე დააკავშირებს ერთმანეთთან. ტენდერის ღირებულება 11 350 123 ლარს შეადგენს.
ეს არის მნიშვნელოვანი პროექტი ამ ორი მუნიციპალიტეტის მოსახლეობისთვის, რომელთაც საგრძნობლად შეუმსუბუქდებათ გადაადგილება სხვადასხვა მიმართულებით,"-აცხადებს მაჟორიტარი დეპუტატი პაატა კვიჟინაძე.
