საუკუნის ქალბატონი სამტრედიიდან 2000 ლარით დასაჩუქრდა
სამტრედიის მუნიციპალიტეტის მერმა, დავით ბახტაძემ ადგილობრივი თვითმმართველობის წარმომადგენლებთან ერთად, 100 წლის იუბილე სამტრედიელ ნორა შენგელია-გაბადაძეს მიულოცა.
მერმა მას ჯანმრთელობა და დღეგრძელობა უსურვა.
“ეს მართლაც განსაკუთრებული დღეა. ქალბატონი ნორა ჩვენი მუნიციპალიტეტის ყველაზე ხანდაზმული მცხოვრებია, რომელიც ერთი საუკუნის ცხოვრების გამოცდილებასა და სიბრძნეს ატარებს. ვუსურვებ მას ჯანმრთელობასა და ბედნიერ წლებს,“-აღნიშნა დავით ბახტაძემ.
ნორა შენგელია-გაბადაძეს სამტრედიის მუნიციპალიტეტისგან საჩუქრები და 2000 ლარის ოდენობის ფულადი დახმარება გადაეცა.
