ქუთაისის საპატიო მოქალაქეთა ფონდმა ქუთაისში  მცხოვრები უკრაინელი ოჯახების  პირველკლასელებს სასკოლო ჩანთები და ნივთები გადასცა საჩუქრად.

ახალი სასწავლო წლისთვის სასკოლო საჩუქარი მიიღეს ქუთაისელმა სოციალურად დაუცველი ოჯახების  შვილებმაც. 

პირველკლასელებს ახალი სასწავლო წლის დაწყება მიულოცა ქუთაისის მერმა იოსებ ხახალეიშვილმა. 

"დღეს, ქუთაისის საპატიო მოქალაქეთა ფონდთან ერთად, ახალი სასწავლო წლის დაწყება მივულოცეთ  ჩვენი უკრაინელი მეგობრების  და სოციალურად დაუცველი ოჯახების  პირველკლასელებს. ბავშვებს სასკოლო საჩუქრები გადავეცით.  

მშვიდობიან სამყაროში  ცხოვრებას და სწავლას ვუსურვებ ყველა ბავშვს!"- განაცხადა იოსებ ხახალეიშვილმა.