ქუთაისის 59-ე საოლქო საარჩევნო კომისიაში ამ დროისთვის ქალაქის მერობის კანდიდატებს რეგისტრაცია არ გაუვლიათ. საოლქო კომისიის თავმჯდომარის, ლარინა ლალიაშვილის ინფორმაციით, ოლქში 76 საარჩევნო უბანია, რომლებიც ძირითადად სახელმწიფო შენობებში-სკოლებისა და საბავშვო ბაღების შენობებშია განთავსებული. 

საოლქო საარჩევნო კომისია დღეს იმ უბნებზე, სადა ორი ან მეტი გადასატანი ყუთია რეგისტრირებული, სპეცჯგუფის წევრებზე ვაკანსიას აცხადებს. ლარინა ლალიაშვილის თქმით, ასეთი სულ 44 უბანია. 

“თუ უბანზე ორი გადასატანი ყუთია, ამ შემთხვევაში 2-2 წევრზე ცხადდება ვაკანსია, ხოლო 3 ყუთის შემთხვევაში ვაკანსიას 4 ადამიანზე ვაცხადებთ. ჯამში ვაკანსია 44 საარჩევნო უბანს შეეხება,”-ამბობს ლარინა ლალიაშვილი. 

4 ოქტომბრის ადგილობრივი თვითმმართველობის არჩევნებისთვის ქუთაისში 151 000 ამომრჩეველია რეგისტრირებული.