ქუთაისის ოლიმპიური საცურაო აუზი ცურვაში საქართველოს ზაფხულის ჩემპიონატს მასპინძლობს. შეჯიბრებები 4 დღის განმავლობაში ყველა ასაკობრივ კატეგორიაში მიმდინარეობს. მასში 100 - მდე სპორტსმენი საქართველოს სხვადასხვა რეგიონიდან მონაწილეობს. 

დღეს გამოვლენილი გამარჯვებულები და საპრიზო ადგილებზე გასული მოცურავეები ქუთაისის მერის მოვალეობის შემსრულებელმა დავით ერემეიშვილმა და მერის მოადგილემ გიორგი ცხაკაიამ დააჯილდოვეს.

ჩემპიონატი საქართველოს საწყლოსნო სპორტის სახეობათა ეროვნული ფედერაციის ორგანიზებით 17 ივლისს გაიხსნა და 20 ივლისს დასრულდება.