ცაგერის მუნიციპალიტეტის სოფელ გვესოში მეწყრული კერები გააქტიურდა.

ადგილზე იმყოფებიან მოწვეული სპეციალისტების ჯგუფები. გეოლოგები შეისწავლიან არსებულ მდგომარეობას, მათ მიერ  დადებული შესაბამისი დასკვნებისა და მითითებების შემდგომ მუნიციპალიტეტის მხრიდან გატარდება შესაბამისი ღონისძიებები. 

მეწყრულ ლოკაციაზე იმყოფებოდნენ რაჭა-ლეჩხუმ ქვემო სვანეთის სახელმწიფო რწმუნებულის მოადგილე, ალუდა თუთისანი და  ცაგერის მუნიციპალიტეტის მერის მოვალეობის შემსრულებელი, რევაზ ახვლედიანი.