ა(ა)იპ „ ქ. ქუთაისის კულტურულ, სახელოვნებო, საგანმანათლებლო დაწესებულებათა გაერთიანების“ ფილიალში - მ. ბალანჩივაძის სახ. ცენტრალურ სამუსიკო სასწავლებელში კომპოზიტორ გოგი ცაბაძის 100 წლის იუბილესადმი მიძღვნილი საღამო გაიმართა. კონცერტში მონაწილეობა მიიღეს სასწავლებლის სოლო სიმღერის განყოფილების მოსწავლეებმა. შესრულდა გოგი და კახა ცაბაძის სიმღერები.
კონცერტის ბოლოს, გაერთიანების მმართველის მოადგილეებმა- ბაია კოღუაშვილმა და ელისო ქაროსანიძემ მადლობის სიგელები გადასცეს პედაგოგებს: ტატიანა ვახტანგაძეს, გიორგი ლომთაძეს და ნელი ჭყონიას კულტურის სფეროში და მუსიკოსთა თაობების აღზრდის საქმეში შეტანილი განსაკუთრებული წვლილისა და მრავალწლიანი წარმატებული მოღვაწეობისათვის.
ასევე, ბაია კოღუაშვილმა კომპოზიტორ კახა ცაბაძის ინიციატივით სასწავლებლის ბიბლიოთეკას საჩუქრად გადასცა გოგი და კახა ცაბაძის ნაწარმოებების ნოტები.
