რაჭაში, სტიქიის ზონაში ანსამბლ "ბუბას" წევრს ეძებენ
კურორტ შოვში, სტიქიის ზონაში ადგილობრივ მკვიდრს, სოფელ გლოლაში მცხოვრებ გენო სულთანიშვილს ეძებენ.
ანსამბლ "ბუბას" წევრი ე.წ. კოტეჯების სასადილოს შეფ-მზარეული იყო.
"უშუალოდ სტიქიის ეპიცენტრში მოყვა ე.წ კოტეჯების ადგილას. არის ანსამბლ "ბუბას" წევრი. ნუთუ მხოლოდ ოჯახის წევრებს გვაკლია მისი ღიმილი და კაცობა-ადამიანობა? აქამდე არ ვწერდი, იმედი მქონდა, ვინმე კულტურის წარმომადგენელს ან უბრალოდ ვინმე რაჭველს გაახსენდებოდა გენო ბაბუა!
ეხლაც იმიტომ ვპოსტავ, რომ მისი ცოცხლად პოვნის შანსი ამოგვეწურა ოჯახს!,"-ამბობს ოჯახის ახლობელი.
კურორტ შოვში, სტიქიის ზონაში 16 დაკარგულს ეძებენ.
