ხარაგაულის მუნიციპალიტეტის საკრებულოში 2024 წლის ბიუჯეტის პროექტის საჯარო განხილვა გაიმართა. შეხვედრა ხარაგაულის მუნიციპალიტეტის საკრებულოს თავმჯდომარემ მანანა ბარბაქაძემ გახსნა.
საფინანსო-საბიუჯეტო სამსახურის მიერ წარმოდგენილი 2024 წლის ბიუჯეტი დამსწრე საზოგადოებას მერის პირველმა მოადგილემ ვარლამ ჭიპაშვილმა წარუდგინა. საჯარო შეხვედრა კითხვა-პასუხის რეჟიმში წარიმართა.
პროექტის განხილვისას მოსახლეობას გარკვეული კითხვები ჰქონდათ, რომელიც ძირითადად უპატრონო ძაღლების მოვლა-პატრონობას, ინფრასტრუქტურის მოწყობასა და ტრანსპორტირების საკითხს ეხებოდა.
შეხვედრას მერიის, საკრებულოს წარმომადგენლები და თემით დაინტერესებული მოქალაქეები ესწრებოდნენ.
შეგახსენებთ, რომ საკრებულოს მიერ შემუშავებული შენიშვნები და რეკომენდაციები მერიას საკრებულოდან დღეს გადაეგზავნება.
