ზესტაფონის ფეროშენადნობთა ქარხანა სილიკო მანგანუმის წარმოებას 60%-ით ამცირებს.

როგორც კომპანიაში აცხადებენ, მსოფლიო ფეროშენადნობთა ბაზარზე სილიკო მანგანუმის ფასზე და მოთხოვნაზე დაღმავალი ტენდენცია კვლავ ნარჩუნდება. 

"შესაბამისად, იძულებულები ვართ 11 მოქმედი ღუმელიდან 6 გავაჩეროთ.

წარმოების შემცირება არ მომხდარა დასაქმებულთა შემცირების ხარჯზე. ვიმედოვნებთ, რომ ქარხანა წარმოების ჩვეულ ნიშნულს მალე დაუბრუნდება და ბოლომდე შევძლებთ თანამშრომლების სრული შტატი შევინარჩუნოთ,"-აცხადებენ "ჯორჯიან მანგანეზ"-ში.