თერჯოლის მუნიციპალიტეტის სოფელ ახალთერჯოლაში მზის სისტემის ელექტროსადგური დამონტაჟდა.
აღნიშნული ელექტრო სადგური პირველ ეტაპზე 150 კილოვატიანი სიმძლავრისაა, რომელიც ყოველწლიურად გამოიმუშავებს 200-დან 220 ათას კილოვატამდე ელექტრო ენერგიას.
როგორც თერჯოლის მერიაში აცხადებენ, 2024 წლის ბოლომდე იგეგმება, რომ გაიზარდოს ენერგიის გამომუშავება და გახდეს 500 კილოვატი, რის შედეგადაც წლის განმავლობაში გამომუშავდება 1 მილიონი კილოვატი ელექტრო ენერგია, რომელიც ,,ენერგო-პრო ჯორჯია“-ს მიერ გადანაწილდება საჭიროებისამებრ.
სოფელ ახალთერჯოლაში, მზის სისხტემის ელექტროსადგური კომპანია ,,GT Solar“-მა დაამონტაჟა. კომპანიის წარმომადგენლების განცხადებით, რეგიონს ამ მიმართულებით დიდი პოტენციალი აქვს.
პირველი ეტაპის დასრულების შემდეგ, აღნიშნულ ელექტროსადგურზე მილიონი ლარის ინვესტიცია განხორციელდება. ანალოგიური თანხაა გათვალისწინებული მეორე ეტაპისთვის.
