ონის მერმა ჩეხეთის მოქალაქეს გვერდით დგომისთვის მადლობა გადაუხადა
ონის მერმა სერგი ხიდეშელმა
ჩეხეთის მოქალაქეს - მიშელ ბარტაკს, შოვის ტრაგედიის დროს გამოჩენილი გულისხმიერებისა და გვერდში დგომისთვის მადლობა გადაუხადა.
"მიშელი, 3 აგვისტოს, შოვის ტრაგედიის დროს, სტიქიის ეპიცენტრიდან მოშორებით იმყოფებოდა, რომელიც მეორე დღეს ოჯახთან ერთად მაშველებმა უსაფრთხო ადგილას გადაიყვანეს.
რაჭა-ლეჩხუმ-ქვემო სვანეთის სახელმწიფო რწმუნებულის ადმინისტრაციისა და ჩვენი, ონის მუნიციპალიტეტის მერიის მხარდაჭერით, მას საშუალება მიეცა სტიქიის ზონაში საძიებო-სამაშველო სამუშაოებში ჩართული ადამიანებისთვის ცხელი კერძები მოემზადებინა.
კიდევ ერთხელ ვუხდი მადლობას მიშელს და გამოვხატავ ჩემს პატივისცემას, ამ ტრაგედიის დროს გამოჩენილი ყურადღებისთვის,"-განაცხადა ონის მერმა.
ცნობისთვის, სტიქიის ზონაში ამ დროისთვის 9 ადამიანს ეძებენ.
