ქუთაისის მერიასთან "გამჭვირვალობის" წინააღმდეგ მიმდინარე აქციების მონაწილეები სირცხვილის დერეფნის მოწყობას გეგმავენ. 

"დღეს საქართველოს მოქალაქეები თბილისში, რუსთაველის გამზირზე ღამეს ათევენ ჩვენი ევროპული მომავლისთვის.

მნიშვნელოვანია დედაქალაქს რეგიონის მკაფიო და პრინციპული ხმა გავაგონოთ.

არაერთ ქალაქში დილის 9 საათზე დაგეგმილია აქცია მერიის შენობებთან.

თუ ხარ ქუთაისში, მხარს უჭერ საქართველოს ევროპულ მომავალს, 
ვერ ახერხებ თბილისში წასვლას,
გსურს საკუთარი ქალაქიდან გააგონო ხელისუფლებას შენი ხმა, გელოდებით 09:00 სთ.-ზე ქუთაისის მერიის წინ.

შეგახსენებთ, რომ ადგილობრივ ხელისუფლებას ჯერაც არ ჩაუთვლია თავიანთი ქალაქის მაცხოვრებლები მიმდინარე მოვლენებზე კომენტარის გაკეთების ღირსად,"-აცხადებენ აქციის ორგანიზატორები.