მემინგემიდან ქუთაისის მიმართულებით მომავალი ბორტი ავარიულად რუმინეთში დაეშვა. როგორც ცნობილი გახდა, ავარიული დაშვების მიზეზი ბორტზე მგზავრებს შორის მომხდარი ფიზიკური დაპირისპირება გახდა.
როგორც ბორტის მგზავრები ამბობენ, ერთმანეთს ფიზიკურად ქართველი და რუსი ეროვნების ორი მამაკაცი დაუპირისპირდა.
"ჩემი მეგობარი მგზავრობს აღნიშნული რეისით. როგორც მითხრა, რუსი იყო მთვრალი, რომელიც იგინებოდა და მანდვე მჯდომ გოგოს ავიწროვებდა. ქართველი გამოესარჩლა და ტელფონით გაუხეთქა შუბლი, ჩხუბის და ალიაქოთის გამო დროებით ავარიულად დაეშვა რუმინეთში თვითმფრინავი, ქართველები და რუსიც ჩაიყვანეს".
"რთული საყურებელია, როგორ ავიწროვებენ ადამიანს და მით უმეტეს გოგოს და ახლა უკვე გვესმის ბიჭების, თორემ პირველი ჭორის მიხედვით ადგილები ვერ გაიყვესო წერდნენ.
აქ რა იქნებოდა მართებული:
1. საერთოდ არ უნდა აეშვათ მთვრალი ბორტზე!
2. თუ აუშვეს და ეს ამბავი დაიწყო, გადმოესვათ ეს გოგო დროულად სხვაგან და განერიდებინათ
3. მომხდარიყო სიტყვიერი “მიჩენა ადგილის” და შესაბამისად “ანგარიშსწორება” ჩამოსვლის შემდეგ. სად გაგექცეოდათ რო? მთავარია გოგო ყოფილიყო ზემოთ უსაფრთხოდ და ქაჯებს მერე მიხედავდით, სულ რაღაც 1 საათში.
ახლა ავარიული სიტუაციაც შეიქმნა, ხალხი და ბავშვებიც დაპანიკდნენ და ბიჭებიც ალბათ დაიჭირეს, რაც სამწუხაროა. ვინც ცემა-ტყეპას ტაშს უკრავთ, მავნებლობაა ზოგადად".
"კი მაგრამ გოგოს თუ ავიწროვებდა, ბირტგამცილებელი სად იყო? რუსი კრეტინისთვის იმ გოგონას რომ გაეტეხა თავი, გოგონა იქნებოდა დამნაშავე? ყველამ თქვენი შვილი წარმოიდგინეთ ამ დღეში ფრენის დროს მარტო, თვითმფრინავში არავინ რომ ესარჩლება. ჩხუბი პოლიტიკური მოტივით არ დაწყებულა. დამნაშავე რა თქმა უნდა რუსი ღორია, როგორც ყველგან და ყოველთვის, მაგრამ არანაკლებია ბორტის გამცილებელი, რომელმაც აქამდე მიიყვანა საქმე, რომ სხვა რიგში მჯდომი მგზავრი ადგა და ჩხუბი დაიწყო!"
მგზავრებს შორის არიან ისეთებიც, რომლებიც ბორტზე დაპირისპირების ფაქტს არ ამართლებენ. მათი თქმით, მომხდარით სტრესი მიიღეს ბორტზე მყოფმა ბავშვებმა და მათ ვისაც ფრენის შიში აქვთ.
"შეატყობინებდნენ ბორტგამცილებლებს, სხვაგან გადააჯენდნენ იმ გოგოს და რომ ჩავიდოდნენ, მერე გაიგდებდნენ წიხლქვეშ იმ უნამუსოს. პატარა ბავშვებმა რა დააშავეს, ვინც ამ ყველაფრის შემსწრე გახდა? 26 თებერვალს ვიმგზავრე ქუთაისი მემინგემის რეისით და დიახ ჩვენც დავეშვით რუმინეთში, რადგან ვიღაც აზიელი ვიზუალის ტიპი დათვრა და გადაეკეტა. ვერავინ აკავებდა და 4-5კაცი აკავებდა, სანამ არ გათიშეს და არ შეუკრეს ხელ-ფეხი, ვერ გააჩერეს. იცით რა დაგვემართა მგზავრებს? ბავშვებს? მითუმეტეს ბავშვს, რომელიც არ არი ტიპიური განვითარების (აუტისტური სპექტრი აქვს) არ გაინტერესებთ? ამიტომ მაქსიმალურად უნდა ვეცადოთ დავიცვათ ყველა, ვისაც ჩვენი დახმარება სჭირდება, თუმცა ამით არ დავაზარალოთ სხვაც, განსაკუთრებით ბავშვები, რადგან მათი ფსიქიკა მსგავს რაღაცეებს ვერ აღიქვავს".
