ქუთაისის მერია 2023 წელს გაწეული საქმიანობის ანგარიშს აქვეყნებს.
მერიის ცნობით, მიმდინარე წელს ურბანული განახლების 14 პროექტი განხორციელდა, რაშიც 6 მილიონი ლარი დაიხარჯა. პროექტის ფარგლებში, განახლდა კორპუსების ფასადები და გამარჯვების მოედანზე არსებული თაღი.
2023 წელს საგზაო ინფრასტრუქტურის რეაბილიტაციის 12 პროექტი განხორციელდა, რაშიც 9.5 მილიონი ლარი დაიხარჯა. პროექტის ფარგლებში, გამსახურდიას ქუჩასა და ავტომშენებლის გამზირზე ტროტუარები მოეწყო.
მიმდინარე წელს მოეწყო და განახლდა 3 სკვერი, რისთვისაც 2.3 მილიონი ლარი დაიხარჯა. რაც შეეხება სპორტული ინფრასტრუქტურის რეაბილიტაციას, მოეწყო ჯომარდობის ბაზა, რეაბილიტაცია ჩაუტარდა ჩიბურდანიძის სახელობის ჭადრაკის სასახლეს და ხახალეიშვილის სახელობის ძიუდოს სკოლას.
2023 წელს ქუთაისში სრული რეაბილიტაცია ჩაუტარდა შენგელია არენას და აშენდა ოლიმპიური საცურაო აუზი.
