ქუთაისიდან თბილისში უფასო ტრანსპორტი 21 მარტს გავა
რეგიონებიდან თბილისში, კათოლიკოს-პატრიარქის პანაშვიდზე დასასწრებად რეგიონებიდან უფასო ტრანსპორტი იმოძრავებს.
უფასო ტრანსპორტთან დაკავშირებით განცხადებას ქუთაის-გაენათის ეპარქია ავრცელებს.
“მრევლის საყურადღებოდ!
ქუთაისის მერიის, გუბერნიის და ქუთაის-გაენათის ეპარქიის შეთანხმებით, უწმინდესის და უნეტარესის ილია მეორის პატივის მისაგებად, შაბათს, 21 მარტს 12 საათზე ქუთაისის ცენტრალური მოედნიდან თბილისის სამების ტაძრის მიმართულებით გავა ავტობუსები უფასოდ - ქუთაისი- თბილისი-ქუთაისი,”-ნათქვამია გავრცელებულ ინფორმაციაში.
