ხონის სოფელ ქვედა გორდში საავტომობილო გზა ჩამოწოლილი ქვა-ღორღისგან გაიწმინდა.

უამინდობის შედეგად გამოწვეული მეწყერული პროცესის გამო, ბანგვეთისა და მაჭაკეთის უბნებთან დამაკავშირებელ მონაკვეთზე ქვა-ღორღი ჩამოწვა, რასაც გადაადგილების შეზღუდვა მოჰყვა. 

მთელი დღის განმავლობაში მუშაობდა მძიმე ტექნიკა. მუნიციპალიტეტის მერი პროცესს ადგილზე გაეცნო.

სამუშაოები დღის ბოლოს დასრულდა. ამ დროისთვის როგორც ქვეითთა, ისე ავტომობილით გადაადგილება აღდგენილია.